Merz: Demokracia kërkon kohë dhe kompromis për të funksionuar
Administrata gjermane po merret me çështje të rëndësishme, përfshirë pakënaqësinë e shumë njerëzve me situatën politike në vend, tha sot kancelari gjerman, Friedrich Merz gjatë vizitës së tij të parë zyrtare në landin e Gjermanisë Lindore, Postdam.
“Tani duhet të tregojmë se jemi në gjendje të zgjidhim problemet”, tha Merz duke folur në kryeqytetin e Brandenburgut, Potsdam, dhe duke theksuar investimet e ardhshme në infrastrukturë dhe kujdesin shëndetësor.
“Demokracia kërkonte kohë dhe kompromis për të funksionuar”, paralajmëroi kancelari gjerman.
“Dhe kjo është diçka që njerëzit ndoshta nuk e pranojnë më – në mënyrën që e pranonin dikur”, tha ai.
Kjo është vizita e parë zyrtare e Merz në një nga landet gjermane – që përbënin ish-Gjermaninë Lindore socialiste, disa muaj pasi ai mori detyrën në maj.
Ndërsa Gjermania shënoi 35-vjetorin e ribashkimit në fillim të këtij muaji, mosmarrëveshjet e vazhdueshme midis rajoneve perëndimore dhe lindore u vunë në dukje nga rezultatet e zgjedhjeve parlamentare në shkurt, pasi Alternativa për Gjermaninë (AfD) e ekstremit të djathtë regjistroi një rritje në të ashtuquajturat “shtete të reja”.
Por, Merz tha se populizmi i krahut të djathtë ishte një problem për disa pjesë të mëdha të botës, jo vetëm për Gjermaninë, mes pakënaqësisë së përhapur ndaj demokracisë.
Kancelari tha se qeveria e tij ishte e vendosur të tregonte se shteti mund të funksiononte.
