Balla në Kuvend: PS nuk kthehet pas, ecën vetëm përpara
Kreu i grupit të PS Taulant Balla, gjatë fjalës së tij në këtë seancë plenare iu përgjigj edhe një herë kërkesës së opozitës për debat me mocion dhe ribërjen e seancës kur u miratua programi qeverisës, dhe kur opozita braktisi seancën he nuk votoi.
Balla iu përgjigj me ironi duke thënë se “PS nuk kthehet pas, por ecën vetëm përpara”, duke thënë se nuk mund të ketë ripërsëritje të asaj seance, duke kërkuar që kërkesat t’i sjellin sipas rregullores.
“Duam thonë përveç kësaj edhe një çështje tjetër që ka të bëjë me programin politik të qeverisjes në vijim, e thënë troç ne e dogjëm mundësinë për të bërë diskutim siç i ka hije dhe hajde tani të rikthehemi, ne ecim vetëm, përpara nuk kthehemi dot pas. Por mund të bëjmë mocion me debat për çështjet që ndërlidhen me rrugën tonë europiane… Këto kërkesa o do i bini sipas rregullores, ose nga ky krah nuk do të keni asnjëherë dakordësi”, tha Balla.
