SHBA kërkon më shumë nga aleatët: “Epoka e financimit të mbrojtjes së Evropës ka mbaruar”
Ambasadori i Shtetet e Bashkuara në NATO, Matthew Whitaker, ka reaguar lidhur me një takim të rëndësishëm që pritet të zhvillohet këtë javë mes SHBA-së dhe aleancës.
Në një postim në rrjetin social X, Whitaker theksoi se qasja e re amerikane ndaj NATO-s sinjalizon një ndryshim të madh strategjik.
“Takimi i kësaj jave midis SHBA-së dhe NATO-s është mbi NATO 3.0. Epoka e Amerikës që paguan një faturë të jashtëzakonshme për mbrojtjen e Evropës ka mbaruar. Të udhëhequra nga Politika e Jashtme ‘Amerika e Para’ e Presidentit Donald Trump, Shtetet e Bashkuara kërkojnë veprime, jo fjalë, nga aleatët tanë,” thuhet në deklaratën e tij.
Deklarata vjen në një moment kur marrëdhëniet mes SHBA-së dhe vendeve evropiane janë tensionuar, veçanërisht për shkak të zhvillimeve të fundit në konfliktin me Iranin. Disa shtete evropiane kanë shprehur kundërshtime ndaj operacioneve ushtarake amerikane dhe kanë refuzuar të përfshihen në to.
Ky qëndrim i ri i Uashingtonit pritet të ndikojë në dinamikat brenda NATO-s, duke rritur presionin mbi aleatët evropianë për të marrë më shumë përgjegjësi në çështjet e mbrojtjes dhe sigurisë kolektive.
