Parlamenti Europian i ndarë për tarifat e Trump: debat mes kompromisit tregtar dhe kundërmasave të BE-së
Parlamenti Europian është përfshirë në një debat të fortë pas njoftimit të fundit të presidentit amerikan Donald Trump lidhur me tarifat tregtare, duke krijuar ndarje të qarta mes grupeve politike.
Diskutimi kryesor fokusohet në dy qasje: nëse Bashkimi Europian duhet të përshpejtojë heqjen e tarifave për produktet amerikane, apo të kundërpërgjigjet me masa të reja tregtare.
Partia Popullore Evropiane (EPP) ka kërkuar miratimin e shpejtë të tekstit ligjor për finalizimin e marrëveshjes së Turnberry. Presidenti i grupit, Manfred Weber, theksoi se bizneset europiane nuk mund të përballojnë pasiguri të zgjatur dhe kërkoi votim që në seancën plenare të muajit maj.
Në krahun tjetër, socialistët kanë kërkuar një qëndrim më të ashpër, duke propozuar aktivizimin e instrumentit anti-detyrim të BE-së. Sipas Brando Benifeit, BE nuk duhet të pranojë presione tregtare dhe duhet të mbrojë bizneset dhe punëtorët europianë përmes masave të menjëhershme.
Ndërkohë, presidenti i Komisionit për Tregtinë, Bernd Lange, ka theksuar nevojën për “qartësi dhe vendosmëri” në qëndrimin e Bashkimit Europian përballë situatës.
