×
E mërkurë, 21 Tetor, 2020

Ligji i Kinës për Hong-Kongun shkakton zemërim global

2 Korrik, 2020

Presidenti i Këshillit të BE, Charles Michel ka thënë se ligji rrezikon “të minojë sundimin e ligjit”. Ndërkohë, SHBA e hoqi trajtimin ekonomik preferencial për Hong-Kongun.

Masa e Pekinit për të aprovuar një ligj shumë të diskutueshëm të sigurisë në Hong Kong ka ngjallur një valë kritikash dhe shqetësimesh nga disa liderë botërorë, përfshirë udhëheqësit më të lartë të Bashkimit Evropian.

Japonia, Tajvani dhe Shtetet e Bashkuara gjithashtu e dënuan ligjin, i cili sipas kritikëve shkel autonominë e territorit dhe mund të përdoret për të përndjekur disidentët.

Një ligj “i qortueshëm”

Presidenti i Këshillit të BE, Charles Michel tha që masa e re rrezikon “të minojë sundimin e ligjit”, dhe se këshilli “e qorton” vendimin. Presidentja e Komisionit Evropian, Ursula von der Leyen, shtoi se BE tani po diskuton për të reaguar me masa të mundshme me “partnerët ndërkombëtarë”.

Para miratimit të ligjit, Parlamenti Evropian miratoi një rezolutë jo detyruese që u kërkon vendeve anëtare të Bashkimit Evropian të miratojnë “sanksione dhe ngrirje të pasurive të zyrtarëve kinezë përgjegjës për hartimin dhe zbatimin e politikave që shkelin të drejtat e njeriut”.

Parlamenti gjithashtu rekomandoi që BE të ngrejë një padi në Gjykatën Ndërkombëtare të Drejtësisë pasi të miratohej ligji. Mbretëria e Bashkuar gjithashtu tha që po të zbatohej ligji, ajo do të ndryshojë masat e imigracionit për ta bërë më të lehtë për banorët e Hong Kongut për të ardhur.

SHBA përfundon trajtimin preferencial

Pas lajmeve për kalimin e ligjit, SHBA miratoi masa për heqjen e trajtimit ekonomik preferencial dhe njoftoi se do të ndalonte eksportet e mbrojtjes ndaj Hong-Kongut.

“Sot, SHBA po pezullon rregulloret që lejojnë trajtimin preferencial të Hong Kongut mbi Kinën”, shkroi në twitter sekretari i Tregtisë Wilbur Ross.

Sipas masave të reja, SHBA së shpejti do të kërkojë licenca për shitjen Hong-Kongut të mallrave, që kanë përdorime civile dhe ushtarake.

“Sot, Shtetet e Bashkuara po u japin fund eksporteve të pajisjeve të mbrojtjes të kontrolluara nga Ministria e Mbrojtjes”. Nëse Pekini tani e trajton Hong-Kongun si”Një Vend, Një sistem “, kështu duhet ta bëjmë edhe ne,” shkroi në twitter Sekretari i Shtetit, Mike Pompeo.

Asnjë koment nga Lam e Hong-Kong-ut

Liderja e Hong Kong-ut, Carrie Lam, duke folur në konferencën e saj javore për shtyp, tha se nuk ishte e përshtatshme që ajo të komentonte ligjin e ri, pasi takimi në Pekin po vazhdonte. Sidoqoftë, ajo e pranoi që kishte spekulime dhe shqetësime të përhapura në lidhje me rregulloren dhe tha që ajo do të komentojë pasi të zbulohen detajet.

Ajo gjithashtu iu përgjigj masës së SHBA për të ndaluar trajtimin preferencial të tregtisë për Hong-Kongun.

“Asnjë lloj veprimi sanksionues nuk do të na frikësojë kurrë,” tha Lam. Ndërkohë, ligji ka nxitur të martën protestat në rrugë rreth Hong Kongut si pro-Kinë, ashtu edhe pro-demokracisë.

Formulimi i saktë i ligjit të sigurisë mbetet sekret, por Kina ka thënë se ligji do të ndalojë veprimtarë subversive, të shkëputjes, të terrorizmit dhe marrëveshjet me forcat e huaja.

Eunews.al

Komente

avatar
  Ndiqe  
Me lajmëro për