×
Friday, August 12, 2022

Gjykata Franceze ndalon përdorimin e droneve për të monitoruar bllokimin: “Shkel të drejtat e qytetarëve”

May 19, 2020

“Përdorimi I dronëve për të kontrolluar sjelljen e qytetarëve gjatë pandemisë së Koronavirusit është një shkelje e qartë e të drejtave të njeriut dhe duhet të pushojë menjëherë.” Ka qenë ky vendimi i marrë nga Këshilli Francez i Shtetit i cili urdhëroi Parisin që të ndalojë “pa vonesë” këtë praktikë, duke besuar se, në këto kushte, “kemi të bëjmë me një shkelje serioze dhe dukshëm të paligjshme të së drejtës për respektimin e intimitetit”.

Juridiksioni më i lartë administrativ francez përqendrohet në “rreziqet e përdorimit në kundërshtim me rregullat për mbrojtjen e të dhënave personale”. Me vendimin e tij, Këshilli i Shtetit vendosi që në të ardhmen qeveria dhe policia do të kenë nevojë për një dekret specifik që përcakton kushtet për përdorimin e droneve, i cili gjithashtu merr miratimin e autoritetit kombëtar të të dhënave  personale CNIL. Sipas aktvendimit, nëse autoritetet dëshirojnë të vazhdojnë të përdorin dronët, ata do të duhet t’i adaptojnë ato me një teknologji që parandalon kamerat të identifikojnë ata që janë duke u filmuar.

Autoritetet franceze përdorën shpesh dronët në kohë normale për të monitoruar manifestimet. Gjatë bllokimit, ato u përdorën në kryeqytetin francez dhe gjetkë, veçanërisht në Rivierën Franceze, për të dërguar mesazhe që paralajmëruan njerëzit se ata po shkelnin rregullat gjatë bllokadës tetë javore që përfundoi më 11 maj. Lidhja për të Drejtat e Njeriut (Ldh) dhe shoqata për mbrojtjen e të drejtave dhe lirive të internetit, La Quadrature du Net, i janë drejtuar Këshillit kundër kësaj praktike, e cilat më pas ka pranuar kërkesën e tyre.

Vendimi i jurisdiksionit më të lartë administrativ mund të konsiderohet një fitore e kauzës shoqatave.

Ndërsa konkretisht në lidhje me Parisin, “nuk ka asnjë arsye të mendosh se ky vendim nuk vlen për tërë territorin francez“, pasi nuk ka kornizë ligjore për përdorimin e këtyre droneve, tha avokati i Lidhjes së Drejtë , Patrice Spinosi, e cila shpallivendimin “një fitore të madhe”. Sipas një raporti nga Dhoma e Lartë e Parlamentit, Senat, policia franceze kreu 251 fluturime vëzhgimi me dronë ndërmjet 24 Marsit dhe 24 Prillit, gjatë bllokadës rigoroze. Ministria e brendshme dhe policia këmbëngulën që ata nuk po përpiqeshin të identifikonin askënd, por të vëzhgonin takimet e paligjshme në mënyrë që ata të dinë ku t’i dërgojnë oficerët për t’i ndarë që të mos përhapej infeksioni.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments