Dialogu me Serbinë dhe integrimi në BE, Kurti pret të shtunën të dërguarin e posaçëm të Brukselit Peter Sorensen

Kryeministri i Republikës së Kosovës, Albin Kurti, do të presë në takim Përfaqësuesin e Posaçëm të Bashkimit Evropian për Dialogun Kosovë–Serbi, Peter Sorensen.

Takimi do të mbahet nesër në ndërtesën e Qeverisë, duke filluar nga ora 08:30, kurse, pas takimit, do të ketë deklarim për media.

Përndryshe, raporti për strategjinë e zgjerimit nga Parlamenti Evropian konfirmon se përparimi i Kosovës në rrugën e integrimit evropian mbetet i lidhur ngushtë me dialogun me Serbinë.