Balla: Gjykata amerikane rihap Gërdecin
Kryetari i Grupit Parlamentar të Partisë Socialiste, Taulant Balla ka reaguar pas humbjen së gjyqit të Shkëlzen Berishës në SHBA me gazetarin amerikan Guy Larson, i cili ka botuar librin ‘Armët dhe Çunat’, që ka në thelb tragjedinë e Gërdecit.
Përmes një postimi në rrjetin social facebook, numri dy i PS, Balla deklaron se drejtësia vonon, por nuk harron dhe se Gjykata amerikane rihapi dosjen e tragjedisë së Gërdecit.
Sipas Ballës, drejtësia amerikane konfirmoi përfshirjen dhe fajësinë e Shkëlzen Berishës dhe përmes tij të Sali Berishës në masakrën e Gërdecit.
Gjithashtu Balla thekson se Shqiptarët e dinë se Shkëlzen Berisha u akuzua publikisht, por u mor në pyetje në fshehtësi nga prokurorët për këtë çështje, për ngritjen e një magazine të paligjshme demontimi armësh dhe për krimin shtetëror të Gërdecit. Por Prokuroria asokohe, e vendosur nën thundrën e Sali Berishës, edhe pse me prova, nuk guxoi t’i komunikojë akuzën.
Postimi i plotë i Taulant Ballës:
DREJTËSIA VONON POR NUK HARRON
DREJTËSIA AMERIKANE KONFIRMON PËRFSHIRJEN DHE FAJËSINË E SHKËLZEN BERISHËS DHE PËRMES TIJ TË SALI BERISHËS NË MASAKRËN E GËRDECIT
VENDIMI I GJYKATËS AMERIKANE ËSHTË DETYRUES PËR RI-HAPJEN E HETIMIT PËR KRIMIN SHTETËROR NË GËRDEC
Një Gjykatë Apeli në SHBA ka rrëzuar përsëri pretendimet e Shkëlzen Berishës duke u shprehur se faktet e përmbledhura në librin “Armët dhe Çunat” të Guy Lawson dhe ekranizimin “Qentë e Luftës”, të cilat akuzonin Shkëlzen Berishën si i përfshirë në trafik ndërkombëtar armësh.
Shqiptarët e dinë se Shkëlzen Berisha u akuzua publikisht, por mor në pyetje në fshehtësi nga prokurorët për këtë çështje, për ngritjen e një magazine të paligjshme demontimi armësh dhe për krimin shtetëror të Gërdecit. Por Prokuroria asokohe, e vendosur nën thundrën e Sali Berishës, edhe pse me prova, nuk guxoi t’i komunikojë akuzën.
Gjyqtarët amerikanë në vendimin e shpallur dje, kanë konfirmuar Vendimin e Gjykatës së Floridas, duje u shorehur se Shkëlzen Berisha nuk solli prova të rrëzojnë faktet dhe “nuk solli argumente të bazuara përmes të cilave të mbërrinte në përfundimin e se gjykata e distriktit abuzoi duke mos i dhënë kohën e duhur për të sjellë provat.”
Ky vendim gjykate edhe pse i karakterit civil, përmban në brendësi indiciet për ri-hapjen e hetimit ndaj Shkëlzen Berishës lidhur me përfshirjen e tij në atë tragjedi të rëndë.
