Përhapja e koronavirusit, Donald Trump anulon samitin e G7-ës
March 20, 2020
Presidenti i Shteteve të Bashkuara të Amerikëz, Donald Trump anuloi samitin e G7-ës, apo grupit të vendeve më të industrializuara, për shkak të krizës së shkaktuar nga përhapja e koronavirusit.
Samiti i G7 ishte parashikuar që të mbahej në qershor, në Kamp Dejvid, pranë Uashingtonit.
Zëdhënësi i Shtëpisë së Bardhë, Judd Deere, tha se udhëheqësit do të bisedojnë “në baza virtuale, në mënyrë që të gjitha ekonomitë t’i përqendrojnë burimet në trajtimin e sfidave shëndetësore dhe ekonomike, që paraqet sëmundja COVID-19”.
G7-ta përbëhet nga: Britania, Kanadaja, Franca, Gjermania, Italia, Japonia dhe Shtetet e Bashkuara.
Të gjitha këto shtete po luftojnë për frenimin e pandemisë.
SHBA-ja mban udhëheqjen e G7-ës gjatë vitit 2020.
Eunews.al
Ndiqe
0 Comments
