×
Monday, August 15, 2022

“Reforma në drejtësi duhet të ecë përpara, në mënyrë që Shqipëria të bëhet anëtare e BE”

May 26, 2020

Ambasada amerikane në Tiranë thekson se Shtetet e Bashkuara mbeten vendosmërisht të përkushtuara ndaj reformës në drejtësi. Në një deklaratë për median ambasada bën me dije se reforma në drejtësi duhet të ecë përpara, hap pas hapi, në mënyrë që Shqipëria të bëhet anëtare e plotë e familjes europiane.

“Shtetet e Bashkuara mbeten vendosmërisht të përkushtuara ndaj reformës në drejtësi, e cila është kërkesë e popullit shqiptar. Në përgjigje të kësaj kërkese, në vitin 2016, Parlamenti miratoi unanimisht ligjet themelore për reformën. Prej atëherë, janë ngritur institucione kyçe dhe zbatimi vazhdon për t’i bërë ato funksionale. Reforma është e dhimbshme, e ngadaltë dhe e papërsosur por është e nevojshme.

Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane. E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar. Ne nuk duhet të humbasim përqëndrimin, ne nuk duhet të çorientohemi – synimi është i qartë, populli shqiptar foli dhe reforma në drejtësi duhet të ecë përpara, hap pas hapi.”- thuhet në deklaratën e ambasadës së  SHBA. 

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments