×
Monday, June 15, 2020

“Presidenca Gjermane e KE, vëmendje maksimale për Ballkanin Perëndimor”

June 15, 2020

Ministri në detyrë për Europën dhe Punët e Jashtme, Gent Cakaj, zhvilloi një bisedë telefonike me Ministrin e Shtetit për Europën të Gjermanisë, Michael Roth. Në fokus të telefonatës ishin përgatitjet e Presidencës gjermane të Këshillit, ku Ballkani Perëndimor pritet të jetë në qendër të vëmendjes dhe përmbushja e të gjitha detyrimeve nga Shqipëria për mbajtjen e Konferencës së Parë Ndërqeveritare.

“Nënvizuam përkushtimin e patjetërsueshëm të Shqipërisë për të zbatuar të gjitha kushtet e nevojshme për të përparuar në rrugëtimin evropian.”- u shpreh Cakaj në një postim në Facebook mbi bisedën e zhvilluar me Roth.  Gjithashtu, biseda u përqendrua edhe në bashkëpunimin mes Shqipërisë dhe Gjermanisë, si dhe mes BE-së në luftën e përbashkët kundër pandemisë COVID19. “Përderisa vlerësuam pozitivisht përpjekjet tona, u pajtuam për të bashkërenduar veprimet për hapjen graduale të kufijve dhe rimëkëmbjen ekonomike.”- përfundoi Kryediplomati Cakaj reagimin e tij.

Eunews.al

Komente

avatar
  Ndiqe  
Me lajmëro për