Poloni, rihapen kafenetë dhe restorantet
Polonia po fillon rihapjen e parukerive, kafeneve dhe restorantet, si edhe të shkollave për fëmijët e vegjël, tha sot kryeministri Mateusz Morawiecki, duke njoftuar masa të mëtejshme të rihapjes, pavarësisht një rritje të vogël të numrit të infektimeve me koronavirus.
Megjithatë, Morawiecki theksoi se përdorimi i maskës mbrojtëse jashtë dhe distancimi social do të mbeten të detyrueshme edhe pas 18 majit, data e hyrjes në fuqi e dispozitave të reja.
Polonia autorizoi javën e kaluar rihapjen e hoteleve, qendrave tregtare dhe të kujdesit për fëmijë.
Masat kufizuese hynë në fuqi në mes të marsit për të frenuar përhapjen e koronavirusit, i cili, sipas autoriteteve, ka shkaktuar vdekjen e 847 personave dhe ka infektuar më shumë se 17 000 të tjerë.
Eunews.al
