×
Monday, August 15, 2022

Papa mesazh vendeve të BE: Keni në dorë fatet e botës. Nuk është koha për egoizëm

April 12, 2020

Për herë të parë në histori, Papa Françsku ka kremtuar Pashkët dhe ka dhënë mesazhin Urbi et Orbi në sheshin bosh të bazilikatës së Shën Pjetrit.

Apeli i Atit të Shenjtë ishte për tu dhënë fund vuajtjeve që i ka sjellë njerëzit pandemia e koronavirusit. Një mesazh i veçantë ishte për vendet e Bashkimit Europian. “Sot Bashkimi Europian ka përballë tij një sfidë epokale, nga e cila nuk varet vetëm e ardhmja e BE, por e ardhmja e gjithë botës. Të mos humbasim rastin për të dhënë më shumë solidaritet edhe duke shkuar drejt zgjedhjeve inovative”, është shprehur Papa Françesku.

Ati i Shenjtë u shpreh se është koha për solidaritet ndërkombëtar. “Alternativa tjetër (veç solidaritetit) është egoizmi i interesave të veçantë dhe kthimi drejt së kaluarës me rrezikun për të vënë në provë të vështirë bashkëjetesën paqësore dhe zhvillimin e gjeneratave të ardhshme”,- tha Papa Françesku.

Në mesazhin Urbi et Orbi drejtuar botës, Papa Françeku u shpreh se pandemia ka vënë në provë të vështirë njerëzimin, por shpresa nuk duhet humbur asnjëherë.

“Për shumë njerëz kjo është një Pashkë vetmie, që po përjetohet mes vuajtjeve dhe shumë fatkeqësive që ka sjellë pandemia, që nga dhimbjet fizike dhe deri te vuajtjet ekonomike. Mendimi im shkon sot për ata që janë goditur nga koronavirusi; të sëmurët, ata që kanë humbur jetën dhe te familjarët që sot qajnë për humbjen e të afërmeve të tyre dhe që nuk arritën as që t’u japin lamtumirën e fundit”,- tha Papa Francesku. Ai shtoi se “kjo nuk është kohë ndarjesh”.

Eunews.al

0 0 votes
Article Rating


Ndiqe
Me lajmëro për
guest
0 Comments
Inline Feedbacks
View all comments