Kancelarja gjermane, Angela Merkel refuzoi sërish emetimin e borxhit të përbashkët të BE-së, thënë ndryshe koronabond, në komentet e saj para ligjvënësve në Berlin, përpara një samiti video të drejtuesve të BE-së.
Ajo argumentoi që nuk kishte kohë për një masë të tillë, duke shtuar se secili shtet anëtar i BE do të duhet të marrë miratimin parlamentar për transferimin e një elementi të sovranitetit buxhetor në bllok.
“Ky do të ishte një proces shumë i vështirë që do të marrë shumë kohë dhe jo një proces që do të mund të ndihmonte drejtpërdrejt në situatën aktuale”, tha ajo.
“Tani duhet të merremi me ndihmën e shpejtë që lehtëson ndikimin e krizës”, shtoi Merkel.
Eunews.al
