Ka përfunduar me rezultatin 3-2 ndeshja e vlefshme për UEFA Ligën e Kombeve mes Kombëtares së Shqipërisë në futboll dhe asaj të Bjellorusisë, e cila u luajt në stadiumin “Air Albania” në Tiranë.
Shqipëria kaloi në avantazh me golin e shënuar nga Cikalleshi në minutën e 20-të, ndërsa dyfishoi rezultatin në minutën e 27-të po nga Cikalleshi, i cili me anë të një penalltie e dërgoi topin në rrjetë.
Ekipi i Bjellorusisë ngushtoi rezultatin në minutën e 35-të, ku shënoi një gol ndaj Shqipërisë me anë të Skavysh.
Në përfundim të pjesë së parë në minutën e 44-të, Manaj shënoi golin e tretë për ekipin kuqezi, duke e vulosur dhe fitoren e Shqipërisë.
Në pjesën e dytë, Bjellorusia shënoi golin e dytë me anë të Ebong, në minutën e 80-të.
Ndeshja e Grupit 4 të Ligës C për UEFA Ligën e Kombeve u zhvillua pa tifozë për shkak të masave anti-COVID-19.
Eunews.al
