×
Wednesday, June 3, 2020

Italia i jep fund regjimit të izolimit, Conte: Bukuria italiane nuk u fut kurrë në karantinë

June 3, 2020

Italia i ka dhënë fund regjimit të izolimit të vendit nga masat e marra nga qeveria për shkak të pandemisë Covid-19 e cila ka shkaktuar deri më sot 33 910 viktima e mbi 233 mijë të infektuar.

Në këtë ditë të hapjes së kufijve të brendshme e të jashtëm të vendit. kryeministri Giuseppe Conte ka zhvilluar një takim me mediat ku është shprehur optimist mbi mënyrën e menaxhimit të situatës së emergjencës shëndetësore në vend.

“Prej datës 4 maj, të dhënat e pandemisë janë inkurajuese, e pas këtyre muajve sakrificë meritojmë buzëqeshje e alegri por nuk duhet të braktisim masat e distancimit social e maskat duhet t’i përdorim aty ku është e nevojshme për t’u mbrojtur” – tha ai.

Kryeministri italian ka kërkuar falje publike për vonesat në pagesat e punonjësve të detyruar në regjim asistencë pas disa muajve mbyllje të sektorëve të ndryshëm të punë.

“Po përballemi me një emergjencë ekonomike e sociale por dhe me një legjislacion që nuk ishte i përgatitur për të derdhur shuma parash në një nivele të tillë të përgjithshëm. Kërkoj falje, tha ai e po bëjmë ç’është e mundur për të aktivizuar pagesat, bonuset e amortizatorët socialë. Kjo krizë të na shërbej për të zgjidhur problemet strukturore e për t’i dhënë një pamje të re vendit”, deklaroj kreu i ekzekutivit italian.

Kryeministri Conte informoj se prej datës 3 qershor turistët evropianë mund të mbërrijnë në Itali duke kërkuar më shumë vëmendje markave made in Italy e më shumë rëndësi fushatës së promovimit të pasurisë kulturore e artistike italiane në botë.

Nuk duhet të harrojmë tha kryeministri italian Conte “se gjatë këtyre muajve izolimi bukuria italiane nuk qe kurrë në karantinë!”

Eunews.al

Komente

avatar
  Ndiqe  
Me lajmëro për