I dërguari i SHBA, Steve Witkoff ka planifikuar të udhëtojë në Moskë këtë javë, njoftoi të martën Yuri Ushakov, këshilltari i presidentit rus Vladimir Putin për marrëdhëniet ndërkombëtare.
Udhëtimi vjen në një kohë kur po zhvillohen procese diplomatike që synojnë t’i japin fund luftës në Ukrainë.
“Po,” u përgjigj Ushakov, siç raporton agjencia ruse e lajmeve TASS, kur u pyet nëse e dinte nëse Witkoff po planifikonte një vizitë në kryeqytetin rus këtë javë.
Kujtojmë se Steve Witkoff është takuar tre herë me Vladimir Putin për të diskutuar perspektivën e përfundimit të konfliktit në Ukrainë.
