Presidenti i Këshilli Europian, Costa: E ardhmja e Ballkanit Perëndimor është brenda Bashkimit Europian
Presidenti i Këshilli Evropian, António Costa, deklaroi se zgjerimi i Bashkimi Evropian mbetet një nga prioritetet kryesore strategjike të unionit dhe një investim kyç për paqen, stabilitetin dhe prosperitetin në Evropë.
Duke folur në Konferencën e Ambasadorëve të BE-së 2026, Costa theksoi se Bashkimi Evropian është ndërtuar si një projekt pajtimi dhe paqeje, dhe se zgjerimi është një nga instrumentet më të suksesshme për forcimin e demokracisë dhe shtetit të së drejtës në kontinent.
Ai nënvizoi se që nga fillimi i mandatit të tij në krye të Këshillit Evropian, zgjerimi ka qenë ndër prioritetet kryesore politike, duke e cilësuar atë si strategjinë më të suksesshme afatgjatë të Evropës për të zgjeruar hapësirën e vlerave, mirëqenies dhe përgjegjësisë së përbashkët.
Sipas Costës, aplikimi i Ukraina për anëtarësim në BE ka krijuar një dinamikë të re në procesin e zgjerimit. Ky moment, tha ai, nuk i përket vetëm Ukrainës, por shtrihet edhe te Moldavia dhe te gjashtë vendet partnere të Ballkani Perëndimor.
“E ardhmja e tyre është brenda Bashkimit Evropian,” u shpreh Costa, duke theksuar se procesi i anëtarësimit duhet të bazohet në meritë dhe të garantojë standardet më të larta për të gjitha vendet kandidate.
Në përfundim, Presidenti i Këshillit Evropian bëri thirrje për hapa vendimtarë për të shfrytëzuar momentin aktual politik dhe për të avancuar procesin e zgjerimit në vitet e ardhshme, duke respektuar parimin e meritës, por edhe duke vepruar me një ndjenjë urgjence.
