Grupi i Partive Popullore në Parlamentin Europian ka zbutur qëndrimin lidhur me situatën e krijuar pas prishjes së godinës së Teatrit Kombëtar dhe i ka bërë thirrje Partisë Demokratike të vazhdojë bisedimet për Reformën Zgjedhore.
Zëvendës Presidenti i Partive Popullore në Parlamentin Europian, Andrey Kovatchev përmes një postimi në Twittet dënon dhunën dhe i kërkon PD të vazhdojë bisedimet për Reformën zgjedhore dhe të gjithë palët e interesuara duhet të angazhohen për të gjetur një zgjidhje të pranuar gjerësisht.
“Aksionet e fundit të diskutueshme dhe përplasjet me protestuesit në #Shqipëri janë për keqardhje. Të gjithë palët e interesuara duhet të angazhohen për të gjetur një zgjidhje të pranuar gjerësisht.
Respektimi i Sundimit të Ligjit dhe puna e mëtejshme për 15 çështjet që do të monitorohen nga afër nga Komisioni Europian dhe Shtetet Anëtare. Partia Demokratike në Shqiperi duhet të jetë plotësisht e angazhuar në bisedime mbi Reformën Zgjedhore.”, shkruan Andrey Kovatchev në Twitter.
Eunews.al
