Greqia ka bllokuar miratimin e paketës së 21-të të sanksioneve të Bashkimit Evropian kundër Rusisë, duke kërkuar një përjashtim për anijet e kompanisë Dinagas që transportojnë gaz natyror të lëngshëm (LNG) rus.
Sipas Financial Times, Athina prej javësh po kushtëzon miratimin e paketës së re të sanksioneve me lejimin e vazhdimit të transportit fitimprurës të LNG-së ruse nga anijet e Dinagas.
Paketa e re e masave synon të godasë sistemin financiar rus dhe të ardhurat nga eksporti i naftës, por miratimi i saj kërkon unanimitetin e të gjitha shteteve anëtare të BE-së.
Gazeta, duke cituar tre zyrtarë evropianë, raportoi se në Bruksel po shqyrtohen mënyra për të kufizuar përdorimin e vetos nga shtetet anëtare gjatë negociatave për sanksionet.
Sipas zyrtarëve, gjithnjë e më shumë vende po përdorin të drejtën e vetos për të mbrojtur interesat e kompanive të tyre që vazhdojnë të kenë marrëdhënie tregtare me Rusinë, duke e bërë më të vështirë arritjen e konsensusit brenda Bashkimit Evropian.
