Izraeli voton më 27 tetor, Netanyahu përballet me zgjedhje vendimtare
Izraeli do të zhvillojë zgjedhjet parlamentare më 27 tetor, duke u dhënë qytetarëve mundësinë të votojnë për herë të parë që nga sulmi i Hamasit më 7 tetor 2023, i cili ndryshoi ndjeshëm situatën politike dhe të sigurisë në vend.
Parlamenti izraelit, Knesseti, pritet të shpërndahet këtë të premte, ndërsa qeveria e kryeministrit Benjamin Netanyahu po përpiqet të miratojë disa projektligje të debatueshme përpara nisjes zyrtare të fushatës elektorale.
Zgjedhjet do të zhvillohen në një klimë të tensionuar, teksa konflikti në Gaza dhe dhuna në Bregun Perëndimor të pushtuar vijojnë të dominojnë debatin politik dhe shqetësimet për sigurinë.
Kryeministri Benjamin Netanyahu, 76 vjeç, hyn në këtë garë elektorale përballë sfidave të shumta politike dhe ligjore. Ai vijon të përballet me një proces gjyqësor për akuza korrupsioni, pavarësisht thirrjeve të presidentit amerikan Donald Trump për t’i dhënë fund çështjes përmes një faljeje.
Sondazhet e fundit tregojnë se koalicioni qeverisës i Netanyahu rrezikon të humbasë shumicën parlamentare. Megjithatë, analistët kujtojnë se lideri izraelit ka arritur edhe në të kaluarën të përmbysë parashikimet dhe të sigurojë një tjetër mandat në pushtet.
