×
Saturday, April 17, 2021

COVID-19/ Kryeministri i Polonisë, Morawiecki thirrje për kufizime të ashpra

October 21, 2020

Kryeministri polak, Mateusz Morawiecki shprehu sot dëshirën e tij për të shtrirë në të gjithë vendin kufizimet që hynë në fuqi javën e kaluar në gati gjysmën e territorit, i shpallur “zonë e kuqe”, përballë shpërthimit të madh të rasteve të COVID-19.

Polonia raportoi një rekord të ri rastesh ditore, me 10 040 të infektuar në 24 orët e fundit.

“Unë do të rekomandoj, nga e shtuna, që e gjithë Polonia të konsiderohet një zonë e kuqe”, tha ai për kanalin privat “Polsat TV”, pak para një takimi për krizën, që do të vendosë për masa të tilla.

Pothuajse gjysma e vendit, përfshirë qytetet e mëdha dhe rrethinat e tyre, është konsideruar tashmë njëzonë e kuqe që nga e shtuna.

Në “zonën e kuqe”, mbajtja e maskës është e detyrueshme, përfshirë në rrugë.

Shkollat ​​e mesme dhe universitetet janë të mbyllura dhe praktikojnë arsimin në distancë.

Restorantet duhet të mbyllen në orën 21:00, ceremonitë martesore janë të ndaluara dhe numri i personave që pranohen në dyqane, transport publik dhe shërbime kishtare, është i kufizuar.

Eunews.al

Komente

avatar
  Ndiqe  
Me lajmëro për