Presidenti francez, Emmanuel Macron mbërriti sot në Bagdad për vizitën e parë zyrtare në Irak, me qëllim për të ndihmuar vendin të rikonfirmojë sovranitetin e tij pas disa viteve konflikt.
Macron do të kalojë vetëm disa orë në kryeqytetin irakian, ku do të pritet nga zyrtarët kryesorë të vendit.
Ai do të jetë kreu i parë i huaj i shtetit që viziton Irakun që nga emërimi në maj i një kryeministri të ri, Moustafa al-Kazimi.
Për arsye sigurie, presidenca franceze vetëm e konfirmoi këtë vizitë në minutën e fundit, e cila ishte njoftuar nga zyrtarët irakianë dhe media.
Duke e zyrtarizuar këtë vizitë të hënën në mbrëmje në Bejrut, Emmanuel Macron specifikoi se ai do të niste në Bagdad, në lidhje me Kombet e Bashkuara, një iniciativë për të mbështetur një proces të sovranitetit.
Kjo luftë për sovranitetin e Irakut është thelbësore për të lejuar që ky popull dhe ky vend që kanë vuajtur kaq shumë të mos i nënshtrohen fatit të dominimit nga fuqitë rajonale dhe nga terrorizmi islamik”, theksoi Macron.
“Ka drejtues dhe një popull që janë të vetëdijshëm për këtë dhe që dëshirojnë të marrin fatin e vendit në dorë. Roli i Francës është t’i ndihmojë ata ta bëjnë këtë”, shtoi ai.
Eunews.al
