Zgjedhjet për Parlamentin Europian/ Në Spanjë kryesojnë konservatorët, në Danimarkë të gjelbërit

Në Spanjë ka një epërsi të konservatorëve, parti në opozitë, kundrejt Partisë Socialiste të Kryeministrit Pedro Sanchez, në zgjedhjet për Parlamentin Europian.

Në Spanjë, e djathta ka kërkuar t’i kthejë zgjedhjet evropiane në një referendum për Sánchez. Përpara tyre, vëmendja e publikut është përqendruar në një sagë që përfshin gruan e kryeministrit, Begoña Gómez, e cila po hetohet mbi akuzat për korrupsion dhe ndikim, të cilat Sanchez i ka hedhur poshtë si të motivuara politikisht dhe krejtësisht të pabaza.

Sipas sondazheve. Partia Popullore e liderit të opozitës Alberto Núñez Feijóo kryeson me 32.4%.

Partia Socialiste (PSOE) e kryeministrit spanjoll Pedro Sánchez: 30.2%

Partia e ekstremit të djathtë Vox: 10.4%

Ndërkohë në Danimarkë, referuar sondazhit, E majta e Gjelbër kryeson me 18.4%, e ndjekur nga Social Demokratët, partia e kryeministrit të vendit, Mette Frederiksen me 15.4%.

Venstre – Partia Liberale e Danimarkës llogaritet me 13.9%, ndërsa Aleanca Liberale, një parti që planifikon t’i bashkohet Partisë Popullore Evropiane të qendrës së djathtë llogaritet me 7.8%.