×
Sunday, March 7, 2021

Vlerësimi nga DASH për Dvoranin, Rama: U godit se s’iu dorëzua të keqes, inkurajim për reformën në drejtësi

February 23, 2021

Kryeministri Edi Rama ka reaguar pas vlerësimit nga DASH për Ardian Dvoranin, si një nga 12 personalitete e spikatura në botë që ka luftuar korrupsionin. Rama shkruan se ky është një inkurajim i jashtëzakonshëm për ata persona që luftojnë për Reformën në Drejtësi në vend, e cila ndodhet në një fazë kacafytjesh me të keqen. Rama shkruan në twitter se Ardian Dvorani u godit harbutërisht pikërisht se nuk iu dorëzua presionit të së keqes.

Reagimi i plotë

Vlerësimi i lartë i Sekretarit të ri të Shtetit për Ardian Dvoranin, është një inkurajim i jashtëzakonshëm për të gjithë ata që luftojnë për Reformën në Drejtësi në këtë fazë kacafytjeje me të Keqen ku ka hyrë reforma dhe një riafirmim i angazhimit të SHBA në luftën për Reformën! Ardian Dvorani u godit harbutërisht pikërisht se nuk iu dorëzua presionit të së Keqes dhe ky vlerësim rrezatues e shkrin krejt atë baltë imoraliteti politik e mediatik, që u hodh pa kursim mbi të, duke provuar edhe njëherë se e drejta vonon po nuk harron.

Eunews.al

Komente

avatar
  Ndiqe  
Me lajmëro për