×
Saturday, October 23, 2021

Video/ Pas Gjermanisë, përmbytje në Kinë, 12 viktima dhe mbi 10 mijë të evakuar

July 21, 2021

Shira të rrëmbyeshëm kanë shkaktuar përmbytje në disa zona të Kinës qëndrore duke detyruar njerëzit të largohen nga shtëpitë e tyre.

Më shumë se 10 mijë persona në provincën Henan janë evakuar pas shirave që ranë në sasi rekord. Autoritetet kanë konfirmuar 12 persona të vdekur në qytetin Zhengzhou që në momentin kur nisën përmbytjet, shkruan BBC.

Me dhjetëra qytete janë ndikuar nga këto përmbytje duke u detyruar të bllokonin rrugët kryesore dhe të anulonin shumë fluturime.

Provinca Henan e cila ka rreth 94 milionë banorë ka regjistruar një sezon jo normal me shira të rrëmbyeshëm. Ekspertët thonë se shumë faktorë kanë kontribuar në përmbytjet, por një atmosferë më e nxehtë e shkaktuar nga ndryshimet klimatike sjellin shira ekstremisht të rrëmbyeshëm më shumë se zakonisht.

Eunews.al

Comments are closed.