Vala e dytë e COVID-19, Austria drejt një bllokimi total
November 13, 2020
Austria shënoi sot një rekord të ri rastesh ditore, me 9 586 infektime të reja në 24 orët e fundit, pas pothuajse dy javë nën një bllokim të butë me shtetrrethim nate.
Komisioni i “semaforit COVID-19” rekomandoi që qeveria të vendosë masa shtesë sa më shpejt që të jetë e mundur, për të parandaluar kolapsin e sistemit shëndetësor.
Sipas të përditshmes “Der Standard”, mbyllja e të gjitha bizneseve jothelbësore është nën shenjestër, ndërsa qeveria, aktualisht, po shqyrton ende mbylljen e kopshteve dhe shkollave fillore.
Kancelari austriak, Sebastian Kurz, pritet të dalë për një njoftim në lidhje me situatën nesër pasdite gjatë një konference shtypi.
Eunews.al
Ndiqe
0 Comments
