Uragani kuq e zi marshon drejt stadiumit “Air Albania”, atmosferë e zjarrtë në Tiranë

Ka nisur tashmë festa në rrugët e Tiranës, teksa mijëra tifozë të kombëtares shqiptare janë mbledhur në rrugët kryesore të qytetit.

Shumë prej tifozëve kanë mbërritur nga jashtë shtetit, për të mbështetur sot kuqezinjtë në ndeshjen e rëndësishme kundër Gjeorgjisë, për Ligën e Kombeve.

Nuk kanë munguar as tifo-grupet e organizuara, duke dhuruar një spektakël të vërtetë në bulevardin “Dëshmorët e Kombit”, teksa po marshojnë drejt stadiumit.