×
Thursday, July 7, 2022

“Ukraina i përket Europës”/ Scholz konfirmon furnizimin me armë për Kievin

June 21, 2022

Kancelari i Gjermanisë, Olaf Scholz, ka deklaruar se Berlini do t’i dërgojë armë Ukrainës për aq kohë sa të jetë e nevojshme, duke riafirmuar angazhimin e tij për të qëndruar në krah të Lituanisë dhe aleatëve të tjerë lindorë.

Në një fjalim para shoqatës së industrisë së Gjermanisë, ai tha se udhëtimi i tij në Kiev javën e kaluar për t’u takuar me presidentin e Ukrainës, Volodymyr Zelenskiy, i bëri të qartë se Ukraina i përket Evropës.

“Perëndimi nuk e pranon sulmin e dhunshëm ndaj Ukrainës, prandaj Ukraina po furnizohej gjerësisht me armë dhe sanksione të ashpra të pashembullt u vendosën ndaj Rusisë. Këto sanksione funksionojnë.

Po, këto sanksione po e dëmtojnë edhe veten tonë. Ata dëmtojnë kompanitë tona, por janë të drejta. Një gjë është e qartë: Ne do të vazhdojmë të mbështesim Ukrainën, edhe me armë, për aq kohë sa Ukraina ka nevojë për mbështetjen tonë”, tha ai.

Eunews.al

Comments are closed.