×
Friday, April 12, 2024

Shqipëria mikpret edicionin e Festivalit të Parë Sportiv të Europës Juglindore

December 30, 2023


Shqipëria do të mikpresë edicionin e parë të Festivalit të Parë Sportiv të Europës Juglindore për ekipet shkollore të gjithë rajonit.

Kryeministri Edi Rama ndau sot në rrjetet sociale momente nga përgatitjet e ekipeve sportive në shkolla, për një vit të ri garash nën ombrellën e Komitetit Olimpik Shqiptar.

Rama bëri të ditur se do të rritet më tej numri i lojtarëve të rinj, të cilët këtë vit ishin rreth 10 mijë nxënës e nxënëse.

Programi i lëvizjes sportive në shkolla, konsiderohet një nismë e rëndësishme në dobi të shëndetit dhe jetës sociale të fëmijëve.

Në këtë drejtim edhe buxheti i vitit 2024 për arsimin dhe sportin do të mbështesë zgjerimin e ekipeve sportive në shkolla.

Në gjithë shkollat e vendit janë aktualisht mbi 10 mijë nxënës, 700 skuadra dhe mbi 400 trajnerë të angazhuar në këtë lëvizje të madhe sportive në shkolla.



Comments are closed.