Shërimi i dy pacientëve/ Soreca: Me sakrificë, profesionalizëm dhe përkushtim COVID-19 mund të mposhtet
Kreu i Delegacionit të Bashkimit Europian në Tiranë, Luigi Soreca reagoi pas lajmit se dy pacientë të prekur nga koronavirusi në Shqipëri janë shëruar.
“Ky është një lajm i shkëlqyer! Urime të gjithë ekipit të doktorëve dhe infermierëve shqiptarë që e bënë këtë realitet”, tha Soreca.
“Kjo konfirmon që me sakrificë, profesionalizëm dhe përkushtim COVID-19 mund të mposhtet. Ne jemi të gjithë së bashku në këtë luftë.”, ishte mezahi i ambasadorit Soreca, i cili shpërndau lajmin e dhënë nga Ministrja e Shëndetësisë dhe Mbrojtjes Sociale, Ogerta Manastirliu se dy pacientë të prekur nga koronavrisui në Shqipëri janë shëruar.
“Lajm i mirë Dy pacientët e parë të hospitalizuar janë gati të lënë spitalin Infektiv pas testit konfirmues që përfundoi pak më parë Dy pacientët, kontakte të pacientit 0 rezultuan negativ edhe në testin e dytë pas trajtimit. RESPEKT për ekipin e spitalit infektiv”, u shpreh Ministrja Manastirliu në postimin e saj.
Eunews.al
