Rusët drejt qendrës së Kievit, Zelensky e krahason me ofensivën naziste
Presidenti ukrainas deklaroi sot se ushtria ruse po synonte zonat civile në Kiev duke përshëndetur më tej heroizmin e ukrainasve përballë pushtimit rus dhe duke siguruar që ushtarët po bënin çdo gjë të mundshme për të mbrojtur vendin.
“Natën e kaluar ata filluan të bombardojnë lagjet e civilëve. Kjo na kujton ofensivën naziste të vitit 1941”, tha Volodymyr Zelensky në një video të postuar në median sociale duke folur rusisht për të tërhequr vëmendjen e qytetarëve rusë.
Ndërkohë, sipas zëvendësministres ukrainase të Mbrojtjes, Anna Maliar, trupat ruse po lëvizin drejt qendrës së Kievit nga distrikti Obolon.
“Ushtria ruse ka sekuestruar dy automjete të Forcave të Armatosura të Ukrainës dhe po lëvizin me shpejtësi të madhe drejt qendrës së Kievit nga Oboloni. Ajo po shoqërohet nga një kolonë kamionësh ushtarakë rusë”, tha ajo.
Eunews.al
