Rumania i dhuron Shqipërisë 150.000 doza vaksinë anti-Covid-19, Balla falenderon Presidentin, Iohannis dhe Kryeministrin Cîțu për ndihmën
Qeveria e Rumanisë ka miratuar në mbledhjen e sotme të Qeverisë vendimin për t’i dhuruar Shqipërisë 150.000 doza vaksinë anti-Covid19.
Lajmin e ka bërë të ditur Kryetari i Grupit Parlamentar të Partisë Socialiste Taulant Balla përmes një postimi në rrjetin social facebook.
Balla në shënimin e tij i ka shprehur mirënjohjen Presidentit Klaus Iohannis dhe Kryeministrit Florin Cîțu për këtë ndihmë të mirëpritur në luftën me pandeminë.
Gjithashtu Balla ka falenderuar edhe Ambasadorin e Rumanisë në Tiranë, Octavian Șerban me të cilin ai thekson se ka një bashkëpunim të përditshëm në dobi të marrëdhënieve të shkëlqyera mes dy popujve dhe vendeve tona.
*Postimi i plotë i Taulant Ballës: *
🇦🇱🤝🇷🇴
Qeveria e Rumanisë sapo ka miratuar në mbledhjen e sotme të Qeverisë vendimin për t’i dhuruar Shqipërisë 150.000 doza vaksinë anti-Covid19. Dëshiroj t’i shpreh mirënjohjen Presidentit Klaus Iohannis dhe Kryeministrit Florin Cîțu për këtë ndihmë të mirëpritur në luftën me pandeminë.
Gjithashtu falenderoj edhe Ambasadorin e Rumanisë në Tiranë Octavian Șerban me të cilin kemi një bashkëpunim të përditshëm në dobi të marrëdhënieve të shkëlqyera mes dy popujve dhe vendeve tona.
