×
Wednesday, December 8, 2021

Rama publikon pamje nga aksioni i pastrimit: Mos hidhni mbeturina rrugëve

November 11, 2021

Plani i Veprimit për pastrimin rrënjësor të Shqipërisë është shtrirë në të gjitha qarqet e vendit.

Plani do të jetë, jo vetëm operacion pastrimi, por edhe një sistem i ri administrimi, financimi, monitorimi dhe bashkëveprimi me pushtetin vendor, si edhe me qytetarët.

Kryeministri Edi Rama ka publikuar sot pamje nga aksioni i nisur nga zonat bregdetare për pastrimin nga mbetjet, ku pas Vlorës aksioni po vijon edhe në Durrës.

Rama ka përsëritur thirrjen ndaj qytetarëve që të mos hedhin mbeturina rrugëve si shenjë dashurie edhe për atdheun.

“MIRËMËNGJES, dhe me këtë moment nga pastrimi i Shqipërisë që vazhdon përditë, si edhe me lutjen që të mos hidhni mbeturina rrugëve, në shenjë dashurie për atdheun tonë të përbashkët, ju uroj një ditë të mbarë”, shprehet kreu i qeverisë krahas pamjeve të publikuara.

Aksioni ka vijuar në njësitë administrative të Katundit të Ri dhe Ishmit duke pastruar të gjitha pikat e jashtëligjshme të depozitimit të mbeturinave në pyjet dhe parqet natyrore të këtyre zonave.

Krahas punonjësve të bashkisë Durrës, këtij aksioni iu bashkuan edhe nxënësit e gjimnazeve.

Eunews.al

Comments are closed.