Qeveria dërgon katër avionë MiG-29 në Ukrainë
Sllovakia ka dorëzuar katër avionë luftarakë të prodhimit sovjetik MiG-29 në Ukrainë, njoftoi sot ministri sllovak i Mbrojtjes, Jaroslav Nad.
Avionët janë të parët nga 13 avionët luftarakë MiG-29 që Sllovakia premtoi të dërgonte në Ukrainë, e cila po lufton me forcat ushtarake ruse, në shkallë të plotë.
“Avionët u dërguan nga Sllovakia në Ukrainë nga pilotët ukrainas në bashkëpunim me Forcat Ajrore Sllovake”, shkroi në Facebook Nad.
Një zëdhënës i Ministrisë së Mbrojtjes tha se avionët e mbetur do t’i jepen Ukrainës gjatë javëve të ardhshme, por dorëzimi nuk do të njoftohet paraprakisht.
Tre nga 13 avionët luftarakë nuk janë funksionalë dhe do të përdoren për pjesë këmbimi.
Sllovakia ka njoftuar gjithashtu se do të furnizojë pjesë këmbimi shtesë, pjesë të sistemit të mbrojtjes ajrore Kub dhe municione.
Qeveria sllovake, një koalicion i pakicës që humbi një votë mosbesimi në mes të dhjetorit, vendosi të dorëzojë avionët pa miratimin e parlamentit.
Ky veprim shkaktoi kritika të ashpra nga opozita politike.
