Prezantohet raporti vjetor i Autoritetit të Konkurrencës, Deputeti Sinaj: Në ekonominë e tregut, liria e biznesit garanton rritjen e mirëqënies sociale

U prezantua sot në Komisionin Parlamentar për Ekonomisë dhe Financat raporti vjetor i Autoritetit të Konkurrencës, ku i pranishëm ishte dhe kryetari i këtij institucini Denar Biba.

Përmes një postimi në  rrjetin social  facebook deputeti i Partisë Socialiste për Qarkun e Vlorës, Vullnet Sinaj njëherësh anëtar i Komisionit për Ekonominë dhe Financat në Kuvendin e Shqipërisë  deklaron se në ekonominë e tregut, liria e biznesit është e rëndësishme për të garantuar funksionimin normal të sistemit dhe rritjen e mirëqënies sociale në tërësi.

Sipas Sinajt po aq i rëndësishëm është procesi i monitorimit të tregjeve dhe ruajta e konkurrencës së ndershme në biznes, që deformimet e mundshme të mos e rëndojnë konsumatorin.

Postimi i plotë i Vullnet Sinajt:

Në ekonominë e tregut, liria e biznesit është e rëndësishme për të garantuar funksionimin normal të sistemit dhe rritjen e mirëqënies sociale në tërësi.

Por, po aq i rëndësishëm është procesi i monitorimit të tregjeve dhe ruajta e konkurrencës së ndershme në biznes, që deformimet e mundshme të mos e rëndojnë konsumatorin.

Për këto dhe të tjera diskutuam sot në prani të kryetarit të Autoritetit të Konkurrencës, Denar Biba, në prezantimin e raportit vjetor të këtij institucioni në komisionin parlamentar të Ekonomisë dhe Financave.