Presidenti i sapozgjedhur, Begaj takim në Pallatin e Brigadave me ish-paraardhësit e tij Moisiu, Topi dhe Mejdani
Presidenti i zgjedhur i Shqipërisë, Bajram Begaj zhvillon sot një takim me paraardhësit e tij. Mësohet si Begaj do të takohet me ish – Presidentët Alfred Moisiu, Bamir Topai dhe Rexhep Meidani.
Eunews.al mëson se takimi i Begajt me ish-presidentët do të zhvillohet në ambientet e Pallatit të Brigadave.
Kujtojmë që pak dite me parë, Begaj u takua me ish-Presidentin Alfred Moisiu dhe ky i fundit i tregoi mbi përvojën e tij gjatë pesë viteve në Presidencë dhe i dha librin që flet mbi atë periudhë kohe “Midis Nanos dhe Berishës”.
Biseda miqësore mes tyre zgjati rreth 1 ore e 30 minuta. Të dy kanë njohje të vjetër pasi vijnë nga i njëjti profesion ai i ushtarakut.
Bajram Begaj u zgjodh të shtunën president i Shqipërisë me 78 vota të deputetëve të Kuvendit.
Kandidatura e Begajt u mbështet nga Partia Socialiste dhe kryeministri i Shqipërisë, Edi Rama, i cili e propozoi për president pas dështimit për të zgjedhur president konsensual me Partinë Demokratike në opozitë.
