×
Saturday, June 19, 2021

Përvjetori i 12-të i anëtarësimit në NATO, ambasada e SHBA kujton fjalët e ish-Presidentit Bush: Shqipëria një mike e besuar dhe aleate e fortë

April 1, 2021

Ambasada e SHBA ka uruar përvjetorin e 12-të të Shqipërisë në NATO duke kujtuar fjalët e ish-Presidentit George ë.Bush gjatë vizitës historike në Tiranë në 2007.

Atëhere Bush thoshte se Shqipëria është një mike e besuar dhe aleate e fortë, dhe mund të mbështetet tek SHBA.

Shqipëria u anëtarësua më 1 prill të 2009 në Nato, asojkohe e drejtuar nga qeveria e PD me kryeministër Sali Berishën, ndërkohë vizita historike e Presidentit Bush ndodhi më parë në 2007.

STATUSI NGA AMBASADA AMERIKANE
“Shqipëria është një mike e besuar dhe një aleate e fortë. Dhe shpresoj se vizita e sotme do të dërgojë tek populli shqiptar mesazhin se ju mund të mbështeteni tek Amerika, ashtu si Amerika mund të mbështetet tek ju, për të punuar fort për të përhapur lirinë dhe, si rrjedhojë, paqen,” – ish-Presidenti i Shteteve të Bashkuara George ë. Bush gjatë vizitës së tij historike në Tiranë më 10 qershor 2007, teksa Shqipëria përgatitej të hynte në NATO. Sot, Shqipëria feston 12 vjet anëtarësim në NATO dhe Shqipëria mund të mbështetet tek Shtetet e Bashkuara, ashtu si Shtetet e Bashkuara mund të mbështeten tek Shqipëria më shumë se kurrë. Gëzuar përvjetorin e 12-të, Shqipëri!

Komente

avatar
  Ndiqe  
Me lajmëro për