Parlamenti voton pro anëtarësimit në Agjencinë Evropiane të Mbrojtjes
Një shumicë e gjerë në parlamentin danez votoi sot në favor të anëtarësimit të Danimarkës në Agjencinë Evropiane të Mbrojtjes (EDA), aleancën e mbrojtjes së Bashkimit Evropian, pas 30 vitesh përjashtimi nga bashkëpunimi i BE-së për mbrojtjen.
Danimarka ra gjithashtu dakord për të marrë pjesë në kornizën PESCO, e cila lehtëson organizimin e projekteve të përbashkëta ushtarake të BE-së.
Agjencia Evropiane të Mbrojtjes, e themeluar në vitin 2004, me qendër në Bruksel, përbëhet nga të gjitha vendet e BE-së, përveç Danimarkës.
EDA është organi koordinues për Politikën e Përbashkët të Sigurisë dhe Mbrojtjes të BE-së dhe mbështet projektet e përbashkëta të mbrojtjes, si dhe shtetet anëtare në zhvillimin e burimeve të tyre ushtarake.
“Fillimisht, Danimarka mund t’i bashkohet një projekti të bashkëpunimit vullnetar në Agjencinë e Mbrojtjes për blerjen e përbashkët të municioneve për Ukrainën”, tha Troels Lund Poulsen, përfaqësuesi i ministrit danez të Mbrojtjes, Jakob Ellemann-Jensen, në Kopenhagë.
Të hënën, 18 vende të BE-së nënshkruan një marrëveshje për blerjen e përbashkët të municioneve përmes EDA-s, me synimin për të mbështetur Ukrainën dhe shmangur pushtimin rus.
Predha artilerie të kalibrit 155 mm do të blihen për dy vjet përmes një procedure të shpejtë.
Një projekt i veçantë shtatëvjeçar do të mundësojë edhe prokurimin e llojeve të tjera të municionit.
Danimarka shfuqizoi rregullin e saj të veçantë që e përjashtoi atë nga bashkëpunimi i mbrojtjes me BE-në përmes referendumit në qershor 2022, pas pushtimit të plotë të Ukrainës nga Rusia.
Prandaj, Danimarka nuk ka marrë pjesë në misionet ushtarake të BE-së apo në zhvillimin e përbashkët të sistemeve të armëve deri më tani.
