Paralajmëron kryeministri polak: Do përgjigjemi ndaj çdo sulmi të ardhshëm
Kryeministri polak Donald Tusk deklaroi të enjten se Varshava do të reagojë “në mënyrë adekuate” ndaj çdo sulmi të ardhshëm në territorin e saj, pas incidenteve me dronë që shkelën hapësirën ajrore të Polonisë.
“Kushdo që vendos të sulmojë Poloninë në çfarëdo mënyre do të trajtohet në mënyrë adekuate, siç ndodhi natën e 10 shtatorit”, tha Tusk pas një takimi të Këshillit të Sigurisë Kombëtare, citon TVP Ëorld. Ai theksoi se për këto incidente mban përgjegjësi Rusia.
Polonia raportoi të mërkurën se hapësira e saj ajrore u shkel nga disa dronë gjatë sulmeve ajrore mes Rusisë dhe Ukrainës, duke e cilësuar ngjarjen si një “akt agresioni”. Autoritetet polake regjistruan fillimisht 19 shkelje të hapësirës ajrore, duke i përcaktuar dronët si rusë.
Ministria ruse e Mbrojtjes mohoi të ketë pasur synime për të goditur objektiva në territorin polak, duke deklaruar se sulmet kishin në shënjestër ndërmarrjet ushtarako-industriale të Ukrainës perëndimore. Moska shprehu gjithashtu gatishmërinë për të diskutuar incidentin me zyrtarët polakë.
