Paralajmërimi i fortë i Zelensky: Rusia mund të vendosë në objektiv edhe vendet e tjera europiane
Presidenti i Ukrainës, Volodymyr Zelensky, paralajmëroi se të gjithë janë objektiv i Rusisë dhe sipas tij ajo mund të vendosë në objektiv edhe rajone të tjera të Evropës, transmeton Anadolu Agency (AA).
Nëpërmjet një video-konference, Zelensky iu drejtua liderëve evropianë në Takimin e Forcave të Përbashkëta të Ekspeditës (JEF), që mbahet në kryeqytetin e Britanisë, Londër.
Në fjalimin e tij Zelensky shprehu falënderim ndaj vendeve të cilat kanë treguar një “qëndrim moral” kundër pushtimit të Ukrainës nga Rusia dhe ka bërë thirrje që të jepet më shumë mbështetje ndaj vendit të tij.
“Ndihmoni veten tuaj duke na ndihmuar ne”
“Mund ta ndalim ende makinën luftarake të Rusisë. Mund ta ndalim ende vrasjen e njerëzve. Do të jetë më e lehtë që ta bëjmë këtë së bashku dhe të ndalim shkatërrimin e demokracisë dhe ta ndalim këtë tani në territoret tona, përndryshe ata do të vijnë edhe tek ju. Që të gjithë jemi në objektivin e Rusisë”, tha Zelensky, duke tërhequr vëmendjen se nëse Evropa nuk merr një qëndrim tani Rusia mund të vendosë në objektiv edhe rajonet e tjera të Evropës.
Edhe kryeministri britanik, Boris Johnson, i cili foli pas fjalimit të presidentit ukrainas Zelensky, theksoi se ky moment është një “moment i pa shpresë” dhe më tej nënvizoi se liderët duhet të bëjnë më shumë për të mbështetur Ukrainën.
“Me shumë të drejtë na keni sfiduar që të bëjmë më shumë dhe ne e dimë se mund dhe duhet të bëjmë më shumë”, theksoi më tej Johnson.
