Opozita bjelloruse vazhdon protestat me balona
Demonstruesit e opozitës në Bjellorusi i vazhduan protestat kundër sundimit të Alyaksandr Lukashenkës, duke lëshuar balona të kuqe dhe të bardha në qiell.
E kuqja dhe e bardha janë zgjedhur si ngjyra simbol të opozitës.
Në Minsk, qindra njerëz iu përgjigjen thirrjeve për lëshimin e balonave, ndërsa disa pjesëmarrës u arrestuan nga policia.
Bjellorusia është përfshirë nga protestat qysh më 9 gusht, kur Lukashenka – në pushtet qysh në vitin 1994 – është shpallur fitues i zgjedhjeve presidenciale.
Shumë bjellorusë dhe të tjerë i kanë cilësuar këto zgjedhje si mashtrim dhe kanë thënë se ato janë fituar, në fakt, nga kandidatja e opozitës, Svyatlana Tsikhanouskaya.
Mbi 30,000 njerëz janë arrestuar prejse kanë nisur protestat, megjithëse shumica janë liruar.
Lukashenka i mohon akuzat për manipulim të votave dhe i fajëson disa vende të Bashkimit Evropian për përpjekje për të detyruar ndryshimin e regjimit.
Vendet perëndimore refuzojnë ta njohin Lukashenkën si udhëheqës legjitim të Bjellorusisë dhe i kërkojnë atij ta transferojë pushtetin në mënyrë paqësore.
Eunews.al
