OKB: Përpara vizitës në Rusi Guterres takon Erdoğan
April 24, 2022
Sekretari i Përgjithshëm i Kombeve të Bashkuara (OKB), Antonio Guterres përpara vizitës në Rusi do të udhëtojë në Turqi ku do të takohet me presidentin Recep Tayyip Erdoğan.
Në një deklaratë me shkrim nga Zyra e Sekretarit të Përgjithshëm të OKB-së, thuhet se Guterres, do të vizitojë më 25 prill Ankaranë dhe do të pritet në një takim nga presidenti Erdoğan.
Më herët u njoftua se më 26 prill në Moskë, Guterres do të takohet me presidentin e Rusisë, Vladimir Putin ndërsa më 28 prill do të zhvillojë një takim në Ukrainë me presidentin Volodymyr Zelensky.
