Bota është në një gjendje të trazuar për shkak të faktit se niveli i varfërisë është bërë i papranueshëm, se emergjenca klimatike po përkeqësohet me shpejtësi dhe pabarazia midis gjinive ende vazhdon, ndërkohë që financimet për zhvillimin nuk janë të mjaftueshme, deklaroi sot sekretari i përgjithshëm i Organizatës së Kombeve të Bashkuara, Antonio Guterres.
”Pandemia Covid-19 përfaqëson një tjetër sfidë masive globale”, theksoi ai.
“Më shumë se 13 milionë raste të Covid-19 janë regjistruar në të gjithë botën, me më shumë se 550 000 vdekje, qindra miliona punëtorë kanë humbur vendet e punës. Është rënia më e madhe e të ardhurave për frymë që nga viti 1870”, kujtoi ai.
“Rreth 265 milionë njerëz mund të përballen me një pasiguri të rëndë ushqimore deri në fund të vitit, dyfishi i numrit të njerëzve në rrezik para krizës”, tha Guterres.
”Për këtë arsye graviteti i krizës nuk duhet të nënvlerësohet, ndërsa bota duhet të përparojë, pandemia po na largon nga synimet e zhvillimit të qëndrueshëm”, theksoi Guterres.
Eunews.al
