Nis operacioni i NATO-s ‘Roja Lindore’, publikohen pamjet
Operacioni i NATO-s “Roja Lindore” ka filluar, duke synuar forcimin e krahut lindor të aleancës pas ndërhyrjes së fundit të dronëve rusë në Poloni.
Shtabi i Përgjithshëm i Ushtrisë Polake publikoi një video ku shihet një avion francez A400 duke u ulur në aeroportin Minsk Mazouiecki.
Ky avion transportoi armë për avionët luftarakë Rafale, të cilët tashmë ndodhen në territorin polak.
Incidenti ndodhi pasi 19 dronë rusë kaluan në hapësirën ajrore të Polonisë, duke shkaktuar dëme në disa zona.
Disa prej tyre u rrëzuan, ndërsa të tjerë ranë në fusha dhe në një shtëpi.
Polonia e ka cilësuar ndërhyrjen si të qëllimshme, ndërsa Rusia e ka minimizuar rëndësinë e saj.
Ky është rasti më i rëndë i këtij lloji që nga fillimi i luftës në Ukrainë.
Kryeministri polak Donald Tusk deklaroi se kjo është situata më e rrezikshme që nga Lufta e Dytë Botërore.
