×
Friday, March 29, 2024

Nënkryetari i Bashkisë së Kukësit, Gjana i përgjigjet Berishës: “Fosiles Dixhitale” i doli punë, Gjici po marton djalin

August 20, 2021


Nënkryetari i Bashkisë së Kukësit, Granit Gjana i është përgjigjur ish-kryeministrit Sali Berisha për akuzat që ka lëshuar në adresë të kryetarit të Bashkisë, Safet Gjici. Berisha teksa ka publikuar disa fotografi dhe video ku shihet Gjici duke kërcyer, shkruan se Kukësi digjet ( duke iu referuar situatës me zjarret në vend), ndërsa Gjici përdridhet.

Nënkryetari i Bashkisë sqaron se Gjici me 22 gusht ka dasmën e të birit dhe ka një gëzim familjar duke shtuar më tej se nuk mund të abuzojë një person që ka marrë peng vendin prej 30 vitesh, duke tentuar të mos gëzojë si prind.

Postimi i plotë: “Fosiles Dixhitale” i doli punë sot duke u marrë edhe një herë me familjet e qytetarëve të nderuar.Gjithashtu,edhe disa portale që i bëjnë fresk paskan publikuar pa asnjë filter shkrimin e plakut të rrjedhur, që edhe Amerika i ka bërë daljë përfundimisht familjarisht.Të dashur qytetarë, dua të bëj një sqarim publik në respektin tuaj.Kryetari Safet Gjici me 22 gusht ka dasmën e të birit dhe ka një gëzim familjar dhe nuk mund të abuzohet nga një person që ka marrë peng vendin prej 30 vitesh, duke tentuar të mos gëzojë si prind. Nëse Berisha ka probleme me fëmijët e tij, që Amerika i vuri vizën e kuqe njëherë e mirë, kjo nuk do të thotë që familjeve të tjera shqiptare të mos u qeshë buza.Më poshtë, po ju përcjell ftesën për dasmën e djalit të kryetarit Gjici. Është për të ardhur turp, por tashmë nuk habitemi, nga makrabitetet që prodhon Sali Berisha.

Eunews.al



Comments are closed.