×
Saturday, May 21, 2022

“Mirënjohje Emirateve të Bashkuara Arabe për ndihmën e dhënë Shqipërisë pas tërmetit”

December 15, 2019

Kryetari i Grupit Parlamentar të Partisë Socialiste, Taulant Balla ka falenderuar Emiratet e Bashkuara Arabe dhe Princin e Kurorës së Abu Dhabi, Mohamed Bin Zayed për ndihmën e parë të menjëhershme humanitare që i dhanë Shqipërisë pas tërmetit të mëngjesit të 26 nëntorit që goditi vendin.

Përmes një postimi në Twitter numri dy i PS, Balla deklaron se Shqipëria i është mirënjohëse Emirateve të Bashkuara Arabe për solidaritetin e treguar, duke dhuruar 13 milion AED për përballimin e emergjencës së krijuar nga lëkundjet e forta të tërmetit.

Postimi i plotë i Taulant Ballës:

Shqipëria i është mirënjohëse shkëlqesisë së tij, Princit të Kurorës së Abu Dhabi, Mohamed Bin Zayed dhe Zv.Komandantit Suprem të Forcave të Armatosura të Emirateve të Bashkuara Arabe për ndihmën e parë të menjëhershme humanitare prej 13 mlilion AED që i dhanë Shqipërisë pas tërmetit të 26 nëntorit.

Faleminderit Emiratet e Bashkuara Arabe për solidaritetin.

Eunews.al

0 0 votes
Article Rating
Ndiqe
Me lajmëro për
guest
0 Comments
Inline Feedbacks
View all comments