×
Wednesday, July 1, 2020

Merkel: BE të përgatitet edhe për një “no deal” për Brexit

July 1, 2020

 Kancelarja gjermane, Angela Merkel i kërkoi sot Bashkimit Europian të përgatitet për një “no deal” të mundshëm mbi Brexit në negociatat për marrëdhënien e ardhshme tregtare me Britaninë e Madhe.

“Do të vazhdoj të mbroj një zgjidhje të mirë, por ne, në BE, duhet dhe do të na duhet të përgatitemi për rastin e mosarritjes së një marrëveshjeje”, deklaroi para dhomës së deputetëve gjermane, kancelarja, Merkel, në ditën e parë të presidencës së radhës nga Gjermania të Bashkimit Europian.

Britania e Madhe dhe Bashkimi Europian filluan të hënën përpjekjet intensive për marrëdhënien post-Brexit, me vullnetin e përbashkët për të avancuar fundin dhe për të shmangur një “no deal” potencialisht shkatërrues në fund të vitit.

Britania e Madhe u largua nga BE më 31 janar, por vazhdon të aplikojë rregullat europiane deri më 31 dhjetor.

“Britania e Madhe do të duhet të vuajë pasojat e një marrëdhënieje ekonomike më të dobët me Bashkimin Europian në fund të procesit të Brexit”, paralajmëroi kancelarja gjermane, Angela Merkel në disa gazeta europiane.

Eunews.al

Komente

avatar
  Ndiqe  
Me lajmëro për