Mbërrijnë 11 700 vaksina Pfizer, Rama: Brenda qershorit vaksinojmë 1 milionë qytetarë

Kryeministri Edi Rama, me anë të një postimi në “Facebook” jep lajmin se kanë mbërritur sonte edhe 11 700 vaksina Pfizer.

Rama thekson se brenda qershorit, qeveria shqiptare do që të vaksinojë 1 milionë qytetarë.

• Postimi i kryeministrit Edi Rama:

#ShqipëriaBuzëqesh🌼Sapo kanë mbërritur në Aeroportin “Nënë Tereza” edhe 11,700 vaksina Pfizer, duke e çuar në 858,750 sasinë e vaksinave AntiCovid të mbërritura në Shqipëri😍

Deri tani ia kemi dalë të kryejmë 776,461 vaksinime për të moshuarit dhe punonjësit e shërbimeve kritike, me synimin për të zgjeruar së shpejti fashën e vaksinimit, drejt objektivit 1 MILION vaksinime brenda qershorit 👍🏼

#SkaKohëPërPushim🏃🏻‍♂️

Eunews.al