×
E enjte, 29 Tetor, 2020

Lufta ndaj COVID-19, Papa Françesku falenderon punonjësit e shëndetësisë për përpjekjet heroike

20 Qershor, 2020

Papa Françesku zhvilloi një takim me disa punonjës shëndetësorë nga Lombardia, rajoni Italian më i goditur nga koronavirusi, duke i falenderuar për punën e tyre heroike.

“Gjatë krizës shëndetësore, kemi ndjerë më shumë se kurrë mirënjohjen për mjekët, infermierët dhe gjithë stafin mjekësor, duke qëndruar në vijën e parë të një shërbimi të mundimshëm dhe nganjëherë heroik,” deklaroi papa Françesku.

“Ata kanë qenë një shenjë e dukshme dhe e dhembshur e njerëzimit. Shumë prej tyre u sëmurën dhe disa të tjerë fatkeqësisht vdiqën në ushtrimin e profesionit. Ne i kujtojmë ata në lutje dhe me shumë mirënjohje”, shtoi ai.

Papa Françesku tha që punonjësit e shëndetit ishin si engjëj për pacientët me COVID-19, duke i ngushëlluar këta të fundit, duke i përkrahur dhe ndonjëherë duke ecur me ta deri në takimin përfundimtar me Zotin.

Eunews.al

Komente

avatar
  Ndiqe  
Me lajmëro për